सुनकोसीका दुई बेलिब्रिज एकैसाथ झिकिए: खोटाङ पुनः ‘प्राकृतिक नाकाबन्दी’ को मारमा
वर्षायाम सुरु भएसँगै सुनकोसी नदीमा पानीको बहाव बढेपछि सम्भावित जोखिमलाई मध्यनजर गर्दै फोक्सिङटार र बंशिलाघाटका बेलिब्रिज एकैसाथ झिकिएको छ। दुई वटै बेलिब्रिज हटाइएपछि खोटाङ जिल्ला पुनः प्राकृतिक नाकाबन्दीको मारमा परेको छ भने तराई र प्रदेश राजधानीसँगको सिधा यातायात सम्पर्क पूर्ण रूपमा विच्छेद भएको छ। स्थायी पुल निर्माणमा राज्यले देखाएको उदासिनताका कारण स्थानीयवासी फेरि सास्तीपूर्ण र खर्चिलो यात्रा गर्न बाध्य भएका छन्।
